Пет здрави навики кои треба да ги имате

Физичкото и менталното здравје на нашиот организам се цел која сите ние си ја поставуваме. Постојано читаме за различни начини за унапредување на нашето здравје. Понекогаш забораваме на основните навики кои треба да ги имаме за да живееме здраво и квалитетно. Дознајте кои се тие.

Нормалниот биоритам е еден од условите за одржување на телото во добра форма. Под тоа се подразбира дека секој човек треба да постави јасна граница меѓу секојдневните обврски и времето за одмор на организмот. Дневно се потребни од 6 до 8 часа квалитетен сон за одмор и за нормален континуитет на човековото тело.

За еден час спиење се согоруваат 60 калории, а за 6 до 8 часа од 360 до 480 калории. Оттаму доаѓа и тезата дека колку повеќе спиеме толку повеќе слабееме. Квалитетниот сон пред се му дава на организмот потполна стабилност, и физичка и психичка.

Водата е важен елемент во секојдневната исхрана. 83% од крвта е вода, а 75% од човековиот мозок е вода. Доволниот внес на вода доведува до секојдневно прочистување на организмот од внесените штетни материи. Дневно треба да пиеме од 2 до 2.5 литри вода. Односно - 1 литар вода на 25 килограми телесна тежина. Правилниот внес на вода допринесува за правилен и нормален метаболизам на организмот.

Регулираниот внес на исхрана го нормализира метаболизмот. Нередовните и обилни оброци на секои 4 до 5 часа доведуваат до дебелеење и до покачување на мастите во крвта. Нормално, на секои 3 часа треба да земаме по еден оброк за да може да функционира нормално организмот, а притоа да јадеме а да не се дебелееме.

Човековиот организам има постојана потреба од надополнување на енергија за извршување на секојдневните активности. При тоа треба да е избалансиран внесот на макронутритиенти, микронутритиенти и вода. Макронутритиенти се јагленихидрати, протеини и масти. Јаглените хидрати имаат висока енергетска и калорична вредност, бидејќи неискористените јагленихидрати се претвараат во масти и на овој начин многу лесно доаѓа до дебелеење. Прекумерниот внес на масти е многу штетен за човековото здравје и доведува до успорување на метаболизмот. Протеините имаат ниска калорична вредност, а даваат многу енергија. Нивниот внес го забрзува метаболизмот и доведува до регенерација на клетките. Микронутритиентите, односно витамините и минералите, се неопходен дел од секојдневниот внес на храна. Тие имаат ниска калорична вредност, а нивниот нормален внес допринесува за зголемување на енергијата и регулирање на многу процеси во организмот.

Физичката активност е еден од одлучувачките фактори за одржување, зачувување и унапредување на здравјето. Ова е совршен начин да го донесете вашето тело во форма и да го подобрите физичкиот и менталниот став. Долгорочното вежбање го забавува стареењето, го намалува ризикот од коронарна срцева болест, хронични заболувања, шеќерна болест, некои форми на рак, гојазност, стрес, анксиозност и депресија.

останaти статии од авторот >>>