Најчесто поставувани прашања во стоматолошката ординација

Пациентите секогаш заслужуваат да бидат соодветно информирани за нивното орално здравје,па така при нивната посета на стоматолог имаат многу прашања, дилеми, предрасуди на кои ние сме должни соодветно да одговориме.

Најчесто пациентите се заинтересирани за:

Со никнувањето на првото млечно забче треба да почне и оралната хигиена. Во почеток тоа е задача на родителот бидејќи децата не можат сами убаво да ги исчеткаат сите површини на забите.Порано постоело мислење дека паста за заби смее да се користи над 3 годишна возраст,но денес овие тврдења се отфрлени па така не постои никаков проблем да се мијат забите со детска паста која има сладок вкус (на јагода,банана,портокал,ананас) со соодветна концентрација на флуор дозволена за детската возраст.

Најдобро е што порано,тоа подобро,односно додека се сите забчиња здрави па на тој начин детето нема да има одбивност кон доаѓањето на стоматолог,па подоцна редовно и самостојно ќе се грижи за своето орално здравје. Првата посета никогаш не смее да е поврзана со било каков вид на интервенција.Обично тоа е запознавање со стоматолошкиот стол,инструментите и докторот стоматолог,па така само со пријатен муабет и намсевка ќе ја освоиме довербата и симпатиите на детето.

Препорачуваме четкање на забите после секој оброк, но бидејќи тоа е тешко или речиси невозможно , оптимално би било забите да се мијат наутро и навечер пред спиење.

За малите деца препорачуваме меки четки, а со растот на трајните заби четки со средна тврдост, коишто ги препорачуваме и кај возрасните. Понекогаш може да е потребна и тврда четка доколку условите во устата го налагаат тоа.

Пастата за заби е индивидуален избор но секогаш треба да се внимава да биде богата со калциум и флуор, да содржи супстанции кои имаат благопријатно дејство на гингивата и да немаат никаков канцероген ниту било каков друг штетен ефект. Стоматологот може да ви препорача паста за осетливи заби или паста за заштита на гингивата доколку е тоа потребно.

продолжува. . .